小尔木基
程美段处理这宗劳资纠纷，赢尽“吉士”，今日在铜锣湾接专访，穿上贴身小背心衬超短裤，倒泻E奶打桌球，她表示拖粮事件告一段落，亦不想多谈：“处理到就OK，无话呢件事因祸得福，我平常心，不过近日多咗人搵我做访问，亦多咗人倾工作。”她在facebook贴出不卑不亢的抗辩，可是“请枪”？她说：“我都意料之外得到好多好评，我纯粹自己辩白，唔係驳火，係想交代件事，初中时我都锺意写blog，同学都话我写嘢几『老饼』，之后又学吓人哋少女啲、扮吓傻。我觉得今次件事要严肃处理，嗰刻要坚持自己觉得啱，讲番自己谂法。”程美段追回9,000元，她笑言未用完：“又冇咁快用晒，我係睇手头，如果收入充裕，有时都好大使阔绰啲，手头紧就悭啲。”
23岁的程美段这仗赚了知名度，最近工作机会亦多了，敢言的程美段说：“我承认我言行同所有嘢都出位大胆，但符合我呢个年龄，件事几日时间内发生，嗰刻咁处理，我係完全冇谂后果。”程美段也从中吸取了经验：“我哋呢啲新人，係要时间经历先成长，就算碰到困难跌低，跟住咪成长，我谂我仲会有改善同进步空间，唔係自己一变就做到。”
程美段入行前做过兼职model，也做过promoter，跳入公仔箱只是她的踏脚石，终极目标，是进军大银幕，「加入演艺行业，我係想朝住做演员方向，主要想演戏。」青春和身材都是程美段的最大本钱，所以她绝对不介意行性感，即使被邀演出三级片，被标签做三级女星都不介意，她说：「大家都已将我放咗呢个路线，好多人係留意咗我身材先，其实女仔sexy appeal，是一样赞美，我一啲都唔抗拒。好多港产片粗口多，题材敏感都标为三级片，只要遇上啱嘅角色同剧本，有得发挥，我係唔介意性感，角色可以同真我性格唔似，咁先可以挑战到。」程美段的性感底线是否无极限？她答：「之前有啲电影试镜，有啲导演都问过我尺度去到边，三点不露啦，但可以全祼，因为好多时拍呢类镜头都係就角度、就镜头。」可会因应裸露而加片酬？程美段说：「对我嚟讲价钱唔係咁重要，新人想要机会多啲，想有得发挥，我唔会所有嘢都讲钱。」现在没有男友的程美段，也少一种包袱。
程美段回想初出道曾被「搵笨」，她说：「啲人同我讲拍嘢，讲到係大製作，又要我自备衣服，咁要我自己带衫，出嚟效果梗係冇咁好。」收入不稳定的程美段，为了悭钱会上淘宝买衫。程美段也遇过有人企图想安排「不道德的交易」：「我好小心处理呢类message，佢哋通常好隐晦，佢哋第一个message出到payment好高、好高，我都不时见到有啲数字。」出价约多少？程美段说：「咁我冇再刻意揿去睇回应，佢哋都锺意跟住打嚟电话交代，因为佢哋怕被cap图，我係唔会回复，好多时，我一睇工作性质同内容，就知佢哋係咪formal。我好小心提防，我自我保护意识好高吓。」
程美段虽拥有吸睛巨咪作卖点，不过她偏偏不太自豪：「如果全身嚟睇，我从小到大最自豪有一对大眼同长长眼睫毛，全部天生。我冇好骄傲有一副好身材，冇乜特别感觉，自己永远觉得满意，我最想係脸、手臂同个肚可以瘦啲，因为我好为食，一食就肥上脸度，一上镜就拉横咗。」
